МАҢҒЫСТАУ ОБЛЫСЫНЫҢ БІЛІМ БАСҚАРМАСЫНЫҢ "ЖАҢАӨЗЕН АРНАЙЫ МЕКТЕБІ"

22 наурыз – "Ұлыстың ұлы күні" қарсаңында жылда өтетін дәстүрге сай қазақтың ұлттық  мейрамы Наурыз мерекесіне орай, мерекелік іс-шара өтті. Іс-шара барысы той әнімен басталып, Қыдыр атаның батасымен жалғасып, қазақтың салт-дәстүрімен, ұлттық ойындармен концерттік бағдарламамен жалғасты.

Іс –шара барысында қазақтың ұлттық ойындары «Ләңгі», «Қол күрес», «Бес тас», «Арқан тартыс» сияқты ойын түрлерімен сайыс ұйымдастырылып, жеңіске жеткен қатысушыларды номинация бойынша қола алқаларымен дене пәні мұғалімі Нәукебаев Ғабит пен Жайладова Гүлзира марапаттады. Мерекелік іс-шара әжелер арасында ұршық иірумен жалғасын тауып, мерекелік әнмен аяқталды.