.jpg)
04.03.2022 жылы күні көктемнің алғашқы мерекелерінің бірі 8-наурыз Халықаралық әйелдер күніне, орай жас мамандар жетекшісі Карасаева Назгүл жас мамандар арасында «Жарқыра, жаса, жас маман!» атты байқауын өткізді.
Мерекелік шара әдемі өлең шумақтармен, ән орындаумен ашылды. Шараның ашылу салтанатын мектебіміздің директоры Жалмуханова Ақсауле Есбайқызы барлық аналар, қыздар қауымын құттықтап, жас мамандарға сәттілік тіледі. Жүргізушілер байқаудың шарттарымен және әділқазы алқаларымен таныстырып өтті. Байқау төрт кезеңнен: Мюзикл таныстыру, Қазақстан тарихы, ән пародиясы, поэзия кезеңдерінен құралды. Байқауға жас мамандар өздерінің ұранымен «Жалын», «Алау», «Теаch-5» тобымен таныстырды. Топтар әр кезең бойынша өздерінің тапқыр, білгір, өнерлі екендерін көрсетіп көрермендерді таң қалдырды. Әділқазы алқасы әр кезең бойынша өз әділ бағаларын ұсынып отырды.
Байқаудың қорытындысы:
І орын-«Теаch-5» тобы
ІІ орын-«Алау» тобы
Халықаралық әйелдер күніне орай жас мамандар арасында өткен байқау өз мәресіне жетіп, әділ қазылар жеңіске жеткен топтарды марапаттады, мерекемен құттықтап тілектерін білдірді.
https://sksh.edu.kz/index.php/71-04-03-2022-zhyly-k-ni-k-ktemni-al-ash-y-merekelerini-biri-8-nauryz-khaly-araly-jelder-k-nine-oraj-zhas-mamandar-zhetekshisi-karasaeva-nazg-l-zhas-mamandar-arasynda-zhar-yra-zhasa-zhas-maman-atty-baj-auyn-tkizdi#sigProIdd2fa756811
