МАҢҒЫСТАУ ОБЛЫСЫНЫҢ БІЛІМ БАСҚАРМАСЫНЫҢ "ЖАҢАӨЗЕН АРНАЙЫ МЕКТЕБІ"

Жаңаөзен арнайы жалпы білім беретін және мектепке дейінгі ұйым КММ-де 25 мамыр 2019 жылы «Сыңғырла, соңғы қоңырау» тақырыбымен салтанатты жиын өтті.

Жиынға ата-аналар, қонақтар, ұстаздар, мектеп түлектері қатысты. Салтанатты жиынға қонақ ретінде жеке кәсіпкер Саргулова Дәмеш және мектеп басшылары қатысты.
Жыл сайынғы дәстүр бойынша оқу жылында жақсы еңбек еткені үшін мектептің ұстаздары Тугелбаева Салтанат, Қуатбаева Тоты, Есенаманова Гүляйым және мектептің қоғамдық жұмыстарына белсене қатысқаны үшін ата-аналарды алғыс хатпен марапаттады.
Мектебіміздің директоры Жалмуханова Ақсауле Есбайқызы мектеп бітіруші түлектерге ақ жол, сәт-сапар тілеген ниетпен ақ шашты әжелер шашу шашып, «Аттаған қадамдарыңа нұр жаусын, талаптарың оң болсын!» деген ақ батасын берді.
Соңғы қоңырау жиынында мектебіміздің оқушысы Махсетбаева Асель, Телембай Абат, Ережепбай Мақсат «Ауылым», «Попури», «Ұстаз ана» әндерін шырқады. Соңғы қоңырау соғу рәсімі 9 сынып оқушысы Урынбаев Нұрлыбек пен 1–ші сынып оқушысы  Игілік Аяжанға тапсырылды.
Соңғы қоңырау жиыны түлектердің «Қоштасу вальс» биімен аяқталды.