МАҢҒЫСТАУ ОБЛЫСЫНЫҢ БІЛІМ БАСҚАРМАСЫНЫҢ "ЖАҢАӨЗЕН АРНАЙЫ МЕКТЕБІ"

22 наурыз –ұлыстың Ұлы күні. Бұл күні арнайы орындарда мерекелік іс-шаралар ұйымдастырылады. Одан әрі бұқаралық мереке Наурыз шеруге ұласады. Сахнада ұлттық ойындармен ән айтуға ұласады. Осы орайда мектебімізде үйден оқытатын ұстаздардың жауапкершілігімен мерекелік шара өтті.

Шара барысы мектебіміздің музыка жетекшісі Жолдыбаев Еламанның орындауында «Наурыз» әнімен басталды. Әрі қарай мектеп директоры Жалмуханова Ақсауле Есбайқызы Наурыз мерекесімен ұстаздарды, кіші қызметкерлерді құттықтап сөз сөйледі.

Мерекелік шара қазақтың ұлттық ойындары мен дәстүрлерін дәріптеу мақсатында «Қыз ұзату» рәсімі, Қыдыр атаның батасы, «Келін түсіру», «Бет ашар», «Отқа май құю» рәсімдері бойынша мұғалімдердің қатысуымен өтті. Әрі қарай жеңгелер мен бойжеткендердің «Жар-жар» әнімен жалғасты. Мекеме қызметкерлері өз-өнерлерін көрсетіп жақсы көңіл-күй сыйлады. Шара қазақтың ұлттық ойындарымен жалғасын тапты. «Қош келдің наурыз» әнімен мерекелік шара өз мәресіне жетті.